الكل مستغرب من الموضوع ومن اسم الموضوع
والكل متلهف يعرف وش الي داخل الموضوع وهالموضوع وش الي بداخله
تعالو نشوف القصـّــه
اولا القصه واقعيه ماهي خياليـــه
صارت لواحد من الشباب
من الناس المقربيـّـن لي ( صديق خاص )
إليكم القصه
الولد يحب له بنت .. وصاير متعلق فيها بشكل ما احد يتخيله . كان عمره 15 سنه وهي عمرها 14 سنه ؟ بتقولون براءه يا حليلهم صح ؟
اوكيه يا منتدى مياسه ركزو معي حبه حبه وياليت الكل يركز معاي بهالقصه هذي لاني متأكد انها راح تأثر فيكم .. وياليت الكل يركز معي
عشان اشوف ردودكم الي تحمس في موضوعي وياليت فوق هذا كله الاقي تجاوب من المنتدى ومن الاعضاء وياليت ما تحرموني ارائكم
بعد الحب الي صار لهم وهم صغار حب بريئ وعلى شرف .. الولد كان يبي يقول لاهلها إنه يحبها بس خايف من ردة الفعل ؟؟ وكان
وسواس يجيه بين فتره والثانيه ويقول اصبر شوي لا تتسرع مع الايام لما تتعلق في اهلها كثير تقول لهم انت ليه متسرع انت ليه مستعجل
الركاده والصبرر زين .. وكل يوم يتردد عليه نفس الكلام ونفس الروتين .. الولد حس بملل .. حاول إنه يقول للاحد ما قدر
فتح قلبه لي وقال لي السالفه كلها من (أ) إلى (ي).. طبعا القصه ما بدت للحين .. وتعالو نبدأ مع بعض بسم اللـه الرحمن الرحيم
الولد راح نسميه اسم من نفسنا عشان ما نشهـّـر فيه .. فرضا نقول اسمه اممممممم ( عبودي ) والبنت اسمها (لمى ) والام ( ام لمى )
الحين نمشي على بينه ونتابع القصه الاليـمه .. الي قطعت قلب الولد عبودي وخلته يذوق مرارته ويعيش بين الناس مهزوم وفي معركه الحب خسران
طبعا انتم تعرفون إن في زمنا هذا الطيب يسمونه غبي ؟ والي اخلاقه عاليه يقولون له خبل ؟ والنجس الي قلبه اسود يقولون له ذكي ؟
لا تنسون إننا في مجتمع همجي ما يعرف يفرق بين الحق والباطل .. اغلب الناس تخاف من كلام بعضها .. الكلام يدور في وسط البيوت
وش بيقولون عننا الناس < يا كثر ما نسمعها .. كأن الناس يمشونهم على كيفهم .. الولد طيبته الزائده هي الي خلت الناس تستغله
فوق هذا كله كان صادق مع اهله قبل يكون صادق مع نفسه .. كلم اهله وقال لهم السالفه .. طبعا البنت جارتهم وهم جيران يعني
ام لمى تعرف ام عبودي .. وبينهم عيش وملح .. انتقلت ام لمى وسكنو في بيت جديد في حي ثاني بعيد شوي عن البيت . وانقطعت
الاخبار عن بعض .. صار عبودي يشتاق يشوف لمى .. لكن مافيه وسيله الا انه يكلمها تليفون .. صار الي صار وبينهم علاقه تليفون
كل يوم مكالمات اشتقت لك ومن هالكلام .. قرر عبودي يوم من الايام يوصل هديه لـ لمى .. لكن بطريقه ذكيه .. يوم وصل البيت
ورن الجرس .. ردت ام لمى .. هلا مين .. قال عبودي هلا خالتي < ركزو على كلمه خالتي . الولد محترم معاها للحين
قالت هلا مين إنت .. قال انا عبودي .. ام لمى : هلا فيك يا ابني اتفضل ادخل .. طبعا ما دخل الولد واقف عند الباب والهديه في يدينه
طلعت ام لمى ورحبت فيه واستقبلته .. اتفضل يا ابني ادخل فشله توقف عند الباب قال انا جيت اوصل امانه من اختي لبنتكم << الامانه هي الهديه
طبعا الولد يدعي إنها من اخته لـ لمى .. لكن هي ب الاساس من عبودي إلى لمى .. الام بكل رحب وسعه اخذت الهديه وعطتها لمى
كثرت الزيارات والهدايا .. وكثر كلام عبودي ( يا خالتي ) تسلمين يا ( خاله ) يا ( الغاليه ) من كثره الكلام المعسول
الام تعلق قلبها في الولد .. انا متأكد ان الكل بيستغرب وش هالام هذي بالرغم إنها كبيره في السن . بس مشاء الله تبارك الله عليها
الي ما يعرفها يقول هذي اخت لمى مو امها .. لان العائله راقيه وكل سنه لازم تسوي الام عمليه تجميل في وجهها عشان تصير صغيره
بالرغم إن عمرها تجاوز 35 سنه .. مابي اطول عليكم بحاول اختصر عليكم السالفه بقد ما اقدر .. بعد تعلق الام في الولد
قالت له يا عبودي انت لا ترن الجرس لما تجي البيت .. خذ جوالي وعطته رقم جوالها وقالت اذا جيت البيت رن على جوالي وانا اطلع لك
<< الام تبي تضمن انها هي الي تبي تستقبل الولد مو احد غيرها بالبيت
عبودي على نياته .. اخذ رقم جوالها بحجه إنه يبي يتقرب من امها .. يبي يوصل لقلبها عشان الام تحبه وتزوجه البنت
لا تنسون إن الحب على شرف يعني الولد ناوي يتزوجها وناوي يبني معاها عش الزوجيه ويعيشون احلى حياتهم مع بعض والبنت نفس الشي
مخططين الاثنين على هالشيء من بدري .. مع تكرار الزيارات ومع مرور السنين الام تعلق قلبها في عبودي .. وصارت ترسل له
رسائل غراميه على جواله .. عبودي يتصور إنها رسائل عاديه بس تعمقت الام في الشيء وصارت تزيد اتصالاتها في وقت متأخر من الليل
عبودي < في وضع لا يحمد عقباه محتار يرد ولا يطنش ؟ يسوي نفسه نايم ؟ وش السالفه وش فيها الام تتصل اخر اليل اكيد محتاجه شي
يرد عبودي على نياته .. هلا خالتي ؟ سمي فيه شي ؟؟ تعبانه ؟ عمي فيه شي < يمون الولد .. الام بكل برود ترد
لا يا عيوني مافيه شي بس مشتاقه اسمع صوتك قبل انام < عبودي جته قشعريره في جلده .. يسأل نفسه انا في حلم ولا في علم
وش الي صاير ياربي لا تطرح السما فوقنا وش البلوه الي طاحت فوق راسي .. وش السواة ..؟! ياخاله تسلمين وكلام حلو على بعضه
عشان تسكر .. عبودي يكلم والجوال يرتجف بين يدينه مو قادر يصدق الي يصير له .. طال الكلام من الام وتعمقت في السوالف
عبودي ليش ما تجي ترسل هدايا لي وتقولها باسلوب فرفوشي عشان ما تشكك الولد ؟ تبيها مزحه وجت رزحه .. عبودي يضحك < مو من قلب
ابشري يا خاله من عيوني اكيد انتي خالتي وتامرين امر راح اجيب لك الي تبينه الله يقدرني على ارضاك .. الام بإسلوب متنرفز تقول له
عبودي ؟ لا اسمعك تقول عقب اليوم خالتي زين ؟ عبودي على نياته وش اقول اجل ؟ قالت الام قول يالغاليه < على شوي شوي
قام يكرر الولد كلمه يالغاليه يالغاليه يالغاليه .. لين طفشت منها صارت تقول له غير هالكلمه قول كلام حلو معسول انت شفيك سامج
الولد زادت رجفته وصار يرتجف اكثر من اول وصار يتهرب ويقول ابوي معي على الخط بكلمه وارد اكلمك ويسكر ويصرفها الام تزداد رسائلها
البنت ما عندها خبر .. عبودي في حيره ما يدري وش السواة .. يكلم البنت ويقول لها ؟ يصارح البنت حبيبته وشريكه عمره بالي صاير
عبودي في وضع مثل التائه الي ما يدري وين يوجه ؟؟ هل يراضي الام ويصارحها ويقول لها انا احب بنتك لمى ؟ ولا يقول للبنت امك تكلمني اخر اليل
وتغازلني وتقول لي كلام معسول ؟ طبعا في البدايه كنا نقول طيبه الولد هي الي خلته ضعيف بينهم .. قال ما ابي اسبب شحنه بين البنت وامها
ابي اقول للبنت بس تبقى سر بيني وبينها وهي تحله بنفسها .. في البدايه الولد والبنت ماشين على روتين معين محد يخبي على الثاني شي
يعني لا الطرف الأول ولا الطرف الثاني يخبون على بعضهم شي . هدفهم الصراحه وعنوانهم الصدق .. والولد كان في قلبه شك
إن الي صاير له مقلب من الام تختبره ؟ اتصل على البنت وقال لها الي صار .. لمى : هلا عبودي كيفك حبيبي .. عبودي : لمى
ابي اقولك شي بس ركزي معي وخلي اعصابك بارده اوكيه .. لمى : اوكيه حبيبي وش صاير قول لي انت فيك شي ؟ صار لك شي ؟
عبودي : لا يا بنت الغاليه مافيني شي < ركزو على كلمه بنت الغاليه .. انا ابي اكلمك عن موضوع قديم وابي افاتحك فيه الحين مو عارف من
وين ابدأ .. قالت لمى بكل حماس : قوووووول .. قال ( يمهد لها الطريق ) لمى خالتي ( امك ) صارت تكلمني كل يوم
الله يجزاها كل خير مو مخليه علي قاصر كل يوم تسأل عني والله بديت اشك انها تبي تسأل عني اكثر من سؤالك عني ويضحك عبودي ؟
لمى تضحك بس مو من قلبها .. هههههه < ضحكه مجامله . ايه عبودي كمل وش صار بعد ؟ تبي منك شي امي ؟ على نياتها البنت
عبودي < لا يالغاليه ما تبي شي سلامتك بس هي كانت تسأل عني كثير وكل يوم تتطمن علي هذا الي حبيت اقوله لك < ركزو على كلمه يالغاليه
لمى : عبودي .. وش السالفه ( يالغاليه ) انا الحين صرت غاليه بعد ما كنت تقول لي حبيبتي ودنيتي وشمعه حياتي ؟ الحين تكلمني باسلوب رسمي
عبودي < توهق .. لمى انا ما تعودت اخبي عنك شي وإنتي خليتيني اتعود إني اقول كل شي في قلبي انا ما خبيت هالشيء هذا عن غرض معين
انا خبيته عشان الظروف الي كنتي تمرين فيها ماهي مناسبه إني اقول لك السالفه .. خليتها لوقت ثاني . لمى حاولي تكلمين أمك بأي طريقه لا تتصل
على جوالي لمى امك تغازلني < ومن اللحضه هذي انزعت الثقه من داخل كيان لمى ؟ شنو السالفه امي تغازلك ؟ مجنون انت ولا تبغي تجنني ؟ عبودي
انت متاكد انك ما اكلت شي ؟ انت متأكد انك مو شارب شي ؟ عبودي إنت فيك شي لا اكيد فيك شي الا فيه شي صاير قول لي وش فيك انت تعبان ؟
ما تنلام المسكينه مو مصدقه الي صاير لها كأنه فلم هندي ؟ امها حبيبه قلبها وحشاشه جوفها تغازل حبيبها ؟ موقف لحضته ماحد يقدر يسيطر على اعصابه
ولا احد يقدر يسيطر على نفسه .. في الواقع انا قلت لك الحقيقيه تبين تقولين خبيت ؟ والله انا ما تعودت اخبي وهذي السالفه صارت كلها
إنا اعامل امك باحترام واكلمها باسلوب مهذب ولا فكرت إني اسوي الاشياء هذي مع وحدة سنها في سن امي .. البنت تنرفزت وعلى طول سكرت التليفون
وراحت بنفسها تشوف الموضوع عبودي يتصل مره ثانيه الو لمى اركدي المواضيع الي مثل هذي تنحل بسياسه وتكتيـك مو رجه وعجله زائده تجيبين كل شي فوق
راسنا لمى: ما عليك يا عبودي < مسويه واثقه .. وراحت لامها تبي تجـّـس نبضها .. ماما ..ام لمى :هلا حبيبتي .. لمى : كلمتي عبودي
ما كلمك ؟ انا حاسه انه مااصار يجيب لي هدايا من اخته مثل اول ؟ شكله زعلان عليها .. الام : لا عبودي مافيه الا العافيه واخته نفس الشي يا حبهم لبعض
لمى < طيب يا ماما إنتي وش دراك ؟ من الي وصل لك معلومه إنه بخير وانهم مافيه احسن منهم في بعضهم ؟ الام < تناظر في لمى بعين استغراب
لمى كأنك تشككين امك في شي ؟؟ قالت لمى بكل برود يمه انا احب عبودي < تبي تختبر امها وتشوف ردة فعل امها ما تدري البنت صغيره في السن
وما عمرها خبت على امها شي .. تبي تصارح امها يقالك .. الام ضحكت قالت شنو ؟ ما سمعت ؟ تحبين مين عبودي ؟ انتي فكري في دراستك
خلي الحب الي تعرفينه < الام تحسب البنت تمزح .. قالت البنت شوفي يمه .. وتوري امها رسائل عبودي يقول لـ لمى احـــــبك الام انصدمت
اتصلت على عبودي وهزئته انت خائن تلعب على بنتي وتضحك على عقلها وانت وانت < من الكلام هلو مجر .. الولد انصدم ؟ شالسالفه ياخالتي
الام :لو سمحت عبودي لا تتصل على جوال لمى مره ثانيه ولا بيوصل ابوها خبر .. إنت خائن ولعاب ما كنت اتصور هالشيء منك مسوي نفسك عاقل
الولد بيستغل الفرصه < يا خالتي حبي لبنتك على شرف مو حب هالايام .. قالت لو تحبها على شرف كان من اول قلت انك تبي تتزوجها
عبودي : انا كلمت لمى بهالموضوع وقلت لها إني بتزوجها .. الام تقاطعه وتقول ( لو سمحت انسى رقم لمى وخلك محترم ) عبودي
مجبور يخضع للامر الواقع ويسحب نفسه لفترة بسيطه لين تهدى الأمور .. الام سحبت جوال البنت وفصلته .. وارسلت رساله على عبود وقالت تبي
شي اتصل على جوالي .. ولمى انساها .. ورقم الثابت حق الغرفه لو تتصل عليه بكلم ابوها بهالموضوع وراح يتصرف معاك تصرف ما يعجبك
عبودي < انهدم حلمه الي كان يبنيه .. حاول يتصل على الثابت ويشرح للمى السالفه .. لكن للاسف الام سبقته وراحت للبنت وغسلت مخها
كلمتين من هنا وكلمتين من هناك وترى عبودي لعاب ويغازلني < البنت صدقت عبودي انت خاين وانت وانت ومن الكلام المحزن مع تساقط الدموع
عبودي < انصدم صدمه العمر وطلع من قصه الحب خسران ومهزوم عشانه طيب وعلى نياته ؟ وعشان الكلام المعسول هو الي ضيعه وخلاه يتوه
بين البنت وبين امها ؟ البنت غيرت رقم جوالها وغيرت الثابت ..ونست عبود بعد ما ارسلت له كلام جارح .. يعور القلب لما تسمع كلمه جارحه
من اقرب الناس لك ومن مين ؟ حبيبتك ؟ ترمي عليك كلام مثل السم كلام جارح وتقول لك كلمات ما تنقال لعدوينها .. عبودي < مجبور يخضع
ويسحب نفسه ويتذكر مثل ( انا دخلت بطيب ؟ لازم اطلع بطيب ) وسحب نفسه عبود ويتذكر مثل اني انا الكسبان وما خسرت شي وهي
لو تفر الكون كله ما تلاقي مثلي < طبعا انا باندماجي للقصه جلست اهدئ من عبودي لما يحكي لي القصه .. واقول له بدل البنت الف بنت
وبكره بتتزوج وحدة احلى منها واطيب منها واوفى منها بعشرين الف مره << رفع معنويات عشان ما يتحطم من خسارته لحبه هو ولمى
لمى : تزوجت والحين معها ولد وبنتين .. واحد من الاولاد اسمه ( عبودي ) عشان تقهر عبودي
الام : كل شهر ترسل رساله جارحه للولد تبي تغيضه وتبي تخليه يعاف الدنيا وتدقه بالكلام مثل ( ما تبي ترسل هديه ) ومعها ضحكه بسيطه
عبودي : في صراع مع نفسه .. صراع مع القلب وصراع مع الذات .. يعيش يدور بديله ؟ ولا يبقى على حبه القديم
رقيق المشاعر < يهدي إلى عبودي اغنيه ( تدري وش جابني لك .. لا تقول الحنان .. جيت بشيل قلب طاح قدام عينك )
مدة علاقه خمس سنوات يالله ابقى رايكم في القصه ووش تنصحون عبود
معه تحيات عبود: عبــُـٍـ’ـ،ــ,ـود/DęvịĹ's
موضوع: حبيتها وحبتني امها 
